Tera hum safar kahan hai....?
ye chiragh be'nazar hai ye sitara be'zubaan hai
abhi tujh sey milta julta koi doosra kahan hai
wohi shakhs jis pey apney dil'o'jaan nisaar kar dun
wo agar khafa nahi hai to zaroor badgumaan hai
kabhi paa ke tujh ko khona, kabhi kho ke tujh ko pana
ye janam janam ka rishta tere mere darmiyaan hai
mere saath chalney waley tujhey kya mila safar me
wohi dukh bhari zameen hai wohi gham ka aasman hai
mein isi gumaan mein barson bara mutmai'en raha hun
tera jism be'taghayyur hai mera pyaar jawedaan hai
unhi raston ne jin per kabhi tum they saath mere
mujhe rok rok poocha tera humsafar kahan hai?
.....................
No comments:
Post a Comment